Монгол Улсын Соёлын яамны харьяа Чингис хааны өв, соёлын хүрээлэн жил бүр “Монгол бахархлын өдөр”-ийг тохиолдуулан Чингис хаан болон Эзэнт гүрний түүхтэй холбоотой эрдэм шинжилгээний хурлыг уламжлал болгон зохион байгуулж байна. Энэ жил “Монголын түүх, соёлын аялал жуулчлал: өнөөгийн байдал, хөгжлийн боломж” сэдэвт эрдэм шинжилгээний хурлыг Монгол Улсын Шинжлэх Ухаан Технологийн Их Сургуулийн Бизнесийн удирдлага, Хүмүүнлэгийн сургуультай хамтран 2021 оны 11 сарын 04-ний өдөр амжилттай зохион байгууллаа. 
    Уг хуралд БОАЖЯ, Соёлын яам, Чингис хааны өв, соёлын хүрээлэн, ШУА-ийн Археологийн хүрээлэн,  ШУТИС, МУБИС, СУИС, МҮИС, Мандах Их Сургууль, Жендэрийн Үндэсний Хороо зэрэг байгууллагуудын нийт 20 илтгэгч түүх, соёлын аялал жуулчлалтай холбогдох судалгааны үр дүнгээ хэлэлцүүллээ.